البحر يكذب وغدار

البحر يكذب وغدار

زكاة الجهل

مصيبه لا اتضح ثقب السفينه والبحر غدار
وربان السفينه من عناده ينطح امواجه

من اصراره يحسب انه يبي يفلت من الاقدار
وهو ماهو بعارف وين مدخاله ومخراجه

ومصيبه لا بغيت انك تجاهل وانت طبعك حار
تحاول بالتغاضي مير في وسط الصدر حاجه

تعاف الصمت لا صار الغلط مايقبل الاعذار
وتشوف الي عليك اخطا عقد في وجهك حجاجه

ومصيبه لا ادعى علم الامور الجاهل الثرثار
على كثر الحكي تحسب زكاةالجهل باخراجه

يسولف كن ما بالهرج لا ريبه ولا محدار
ويخفف حدة الخيبة ويرفع مستوى ازعاجه

ومصيبه لا انعدم حس الضمير وباروا الاخيار
وتشوف القوم مافيهم رشيد يفيد منهاجه

وتشوف ان المبادي مالها في ذا الزمان انصار
وتشوف انذال خلق الله على أهل الفضل هراجه

البدر ,رعد ,احساس انسان ,أمير الذوق ,عمر ,البراء ,نزاي القلوب ,نواف ,الشامخ معجبون بهذا

المصدر: منتديات جنون الغرام - من قسم: ✦تحت ظل النبض✦