ياصاحبي الغالي ترى القلب يهواك

#1 06-11-2026, 01:04 AM

ياصاحبي الغالي ترى القلب يهواك
لاغبت عن عيني ترى يضيق بالي
..
اون دامك غبت وابكي لذكراك
اشكي ولا احد عارف الي جرالي
..
يفز قلبي لاسمع لو بطرياك
والعين تذرف دمعها كالزلالي
..
أكذب على قلبي اذا قلت بنساك
معاش من ينسى عزيز وغالي
..
لفيت بارض الله ولالقيت شرواك
يا اعز خلق الله وياراس مالي
..
اذا طلبت الروح فالروح فداك
وان كان ماتكفيك يفداك حالي
..
اشكي عليك الحال من بعد فرقاك
انا اشهد اني صرت بعدك لحالي
..
هذا الزمن يااخوك معاد هذاك
معنى الاخوه صار حلم بخيالي
..
الناس غير هالزمن والوفاء اعطاك
عمره ومات وما بقى له ظلالي
..
ضاعت دروب الود في صخر واشواك
واسأل ولابه من مجيب لسوالي
..
لوكان كل الناس مثلك وشرواك
بشر بنورك مظلمات الليالي
.
ياليتني اصحى من الحلم والقاك
وتشوف بعدك بالزمن وش جرالي

عمر ,نزاي القلوب ,الشامخ معجبون بهذا

المصدر: منتديات جنون الغرام