قلوب العاشقين

الـبـرد مـا يـجـهـل قـلـوب الـعـاشـقين
وانـا عـشـقـت الـبـرد مـن دون البشر

فـيـنـي مـشـاعـر كـابـحـة ،،الله يـعين
دونــتــهــا بــالــحـبـر عـنـوان وسـطـر

مـاهـي سـوالـف لـلـهـجر والّا الحنين
ولا هـي سـوالـيـف الـمـشـاعر والعطر

ولا هـي سـوالـف لـلـشذى والياسمين
ولا هـي بـيـوم اقـضـيـه والّا كم شهر

تـرحـالـيَ الـلـي مـن زمـان الـطـيّـبين
مـا زال لـو هـاك الـزمـان اجـمل عمر

عـنـدي قـنـاعـة ثـابـتـة كـل الـسـنـيـن
اعـشـق فـصـول الأرض تمليني مطر

أســج وارحـل مـع قـطـار الـعـابـريـن
ولا لــي مــقــرّن ثـابـتـاً طـول الـدهـر

مـالـي لـقـى غـيـر الـلـقـاء بـالـراحلين
اجـمـع سـوالف عشقهم شطر وشطر

أذكـر مـن الـلـي شـفـتـهـم علماً يقين
مـنـظـر فـؤاد الـروح حـسّـه وانـفـطـر

ابعث نداء جهري عسى صوتي متين
عـبـر الاثـيـر ارسـل شـعوري بالشعر

يـابـنـت يـالـلـي عاشقة ،وجهك حزين
شـالك ضفاف العشق جمر اليا جمر

شِـرفـة مـكـانـك والـبـكـاء والـشمعتين
اشــوفــهــا والله عــلامــات الــخــطـر

لــمّـي شـتـاتـك كـلّـبـونـا امـسـافـريـن
وشـوفـي نـجـوم الـلـيـل والـوان المجر

قــطــارنــا والــنــافــذة والــنــازحــيـن
أبـرك مـن امـقابل بـعَض وجـه البشر

نزاي القلوب ,البراء ,سمو ,نبض المشاعر ,أمير الذوق ,الشامخ ,احساس انسان ,البدر ,رعد ,سلطان معجبون بهذا

المصدر: منتديات جنون الغرام - من قسم: ✦الخواطر وعذب الحروف✦